జ్యోతి ది అనవసరపు రాద్దాంతం

విజయవాడ సిపీ పై ఆంధ్ర జ్యోతి అనవసరపు రాద్దాంతం చేస్తోందని పొద్దు ట నుంచి టీ వి ఛానల్స్ చూస్తున్న ఎవరి కన్నా అర్ధం అవుతుంది .ఆయనేదో సెల్ లో సొల్లు కబుర్లు చెప్పుకుంటే , అది అవతల వాళ్ళు ఎంజాయ్ చేస్తూ ప్రోత్సహిస్తుంటే అక్కడికేదో ఆయన రేప్ చేసినంత బిల్డ్ అప్ ఇవ్వడం అవసరమా ?యిది కేవలం వార్త ని సేన్షేషణ్ చేసేసి టీ ఆర్ పీ రేట్పెంచుకునే చీప్ ట్రిక్. నిన్నటి దాక సూరి హత్య కేసు వెనక పడిన చానల్స్ యిప్పుడు ఆంధ్రజ్యోతి అందించిన ఉప్పుతో బిరియాని వండి వడ్డించారు .అయన యిచ్చిన సంక్షిప్త సందేశాలలో అసబ్యత ఎక్కడ వుంది మారిన యిప్పటి మోరల్ వాల్యూస్ లో?మనం అన్ని మాట్లాడుకుందాం దగ్గర అయ్యాక సెక్స్ తో సహా అన్నాడు .అయిన పని వత్తిడి నుంచి కాస్త ఉపసమనం పొంద డానికి సెల్ సొల్లు ని ఆసరా గా తీసుకుంటే తప్పేంటి ? తన వృత్తి కి న్యాయం చేస్తూ సొంత లాభం కొంత చూసుకుంటే యింత ఆడి పోసుకోవాలా ?ఎప్పుడు పనులు బిజినెస్సేనా?అని రావు గోపాలరావు అనట్టు పొద్దున్నే ఆఫీసు కి వచ్చాక కాసేపు నచ్చిన వాళ్లతో సెల్లు విప్పి మాట్లాడి ఆఉత్సాహం తో రెచ్చి పోయి పని చేస్తే తప్పేంటి ?ఆ పనేదో యింట్లో చేసుకోవచ్చు గా అంతే యింట్లో అదెలా వీలు పడుతుంది ?కుటుంబ సబ్యుల ముందు సెల్ మాట్లడుతునప్పుడు అచ్చులు హల్లులు తప్ప పదాలు రావు . హా ఉ హా తప్ప .
అయిన ప్రబుత్వ ఉన్నతాధికారులు మనుషులు కారా ?వారికీ వొక అచ్చట ముచ్చట ఉండదా ?తమ తో పని మీద వచ్చిన వాళ్ళు ఆ పని అయిపోయాక థాంక్స్ అని వెళ్లి పోకుండా సార్ మీ నెంబర్ యిస్తార ఎప్పుడన్నా అవసరం పడినప్పుడు తలచు కోడానికి అంటూ అందమైన ఆమె అడుగుతుంటే నహీ యైసా కభి నహి హోగా అనడానికి యిక్కడ ప్రవరాక్యులు ఎవరూ వుండరు కదా? మొహమాటానికి పోయో ఎలాగు నెట్ లో వుంటుంది కదా అనో యిస్తే యింక తర్వాత అసలు కధ మొదలవుతుంది .ముందు గా సంక్షిప్త సందేశాలు పంపేది వాళ్ళే మనం స్పందిస్తే నెక్స్ట్ సెల్లు మోగడం తద్యం .వొక వేల వదిలేస్తే వాళ్ళ స్నేహితురాలికిచ్చి ఫోన్ చేయిస్తారు రాంగ్ నంబర్ లా మాట్లాడిస్తూ .యిదొక విష వలయం తప్పించు కోవడం అసాద్యం .సీతారామాంజనేయులు అవతలి వ్యక్తీ స్పందిస్తేనే మాట్లాడాడు గాని తనకి తానూ గా వెంట పడి మాట్లాడ లేదు గా ?మారిన యిప్పటి నీతి సూత్రాలలో అతను చేసింది తప్పులోకి రాదు .లివింగ్ రిలషన్ నడుస్తున్న ఈ రోజుల్లో సెల్ లో సెక్స్ గురించి పరాయి ఆడ వారి తో మాట్లాడటం( అది కూడా వారి యిష్టం తోటే )తప్పనడం ఎంతవరకు సబబు ?ఆయన ఆవిడ కుటుంబ వ్యవస్తను చిన్న భిన్నం చెయ్యకుండా చిన్న చిన్న గా స్వీట్ నతింగ్స్ చెప్పుకోవడం భారం దించు కోవడమే . ఆయనకీ ఆవిడ వొక అవుట్ లేట్ మాత్రమె .
అయినా యిదంతా ఆ వంశి వాళ్ళ కజిన్ నీ పావులా వాడుకుని తనని ట్రాప్ చెయ్యడానికే అని చెపుతుంటే నమ్మక పోవడానికి ఏముంది ?అది జరగా డానికి పూర్తి అవకాశం వుంది . అది కాకా ఆ డాక్టర్ కల్పన ఆయనకి నేను సిస్టర్ లెక్క అని చెప్పుకుంది కదా ?అయినా ఆయన మాట్లాడిన ఆడవాళ్ళ సెల్ నంబర్ టీ వి ల లో యివ్వడం ఎంతవరకు సబబు ? ఛానల్స్ మద్య పోటిలలో వ్యక్తుల ప్రవేటు జీవితాలకి బద్రత లేకుండా పోయింది .వొకరికి ముదము యింకొకరికి ఆముదము .ఏమి చేతుము .

కొత్త సంవత్సరం మొదటి రోజు

నేను జనవరి ఫస్ట్ న పుట్టడం తో నా బర్త్ డే ని ప్రపంచం మొత్తం జరుపు కుంటారు .అది వేరే విషయం .నాకు చాలా ఏళ్ళనుంచి కొత్త సంవత్సరం వచ్చే కొన్ని నిమిషాల ముందే (11.50)పూజా మందిరం లో కూర్చుని మొదటి యిరవై నిమిషాల సమయం దైవ ప్రార్ధన లో గడపడం అలవాటు .ఈ సారి కూడా అదే పద్దతి పాటించా .పార్టిలకి వెళ్ళినా కొత్త సంవత్సరం రావడానికి అరగంట ముందే యింటికి వచ్చేస్తా .పొద్దున్న లేచాక అందరికి సంక్షిప్త సమాచారాలు పంపడానికే గంట అవుతుంది .ఇంట్లోనే లంచ్ చేసి బిగ్ సినిమా లో గలివర్ ట్రావేల్స్ త్రీ డీ సినిమాకి కుటుంబ సమేతం గా వెళ్ళాము .టికెట్స్ కి 666 కాక మళ్ళి త్రీ డీ కల్లజోడుకి మనిషికి రెండు వందలు (డిపాజిట్ ). వెళ్ళే టప్పుడు కళ్ళ జోడు యిస్తే రెండు వందలు యిస్తాడు .చినప్పుడు గలివర్ ట్రావాల్స్ కధలు చదివి ఆ అద్బుతపు ప్రపంచాన్ని మనో ఫలకం లో ముద్రించుకున్న మనం ఈ తొక్కలా సినిమా గుడ్డెద్దు కళ్ళజోడు తగిలించుకుని చూస్తే మాత్రం నిరాస చెందడం ఖాయం .ఎక్కడా వొక చిన్న ఎఫెక్ట్ కూడా లేదు . ఈ మాత్రం దానికి త్రీ డీ యందుకో మరి?వెయ్యి రూపాయలు దోబ్బించు కున్నాక తెలిసిన నగ్న సత్యం ఏంటంటే యే భాషలో సినిమా చూసినా ఏమున్నది గర్వకారణం ?ప్రతి సినిమానీ జేబుకి చిల్లు పెట్టుట ఖాయం . సాయంత్రం యింటికొచ్చి గుడికేలితే అదృష్ట వశాత్తు అస్సలు రద్దీ లేదు . అంతా పొద్దున్నే వచ్చేసినట్టు వున్నారు . ప్రశాంతం గా స్వామి దర్సనం చేసుకుని హోటల్ కి డిన్నర్ కి వెళితే అక్కడ రష్ చూస్తే మతి పోయింది . పేరు నమోదు చేసుకుని గంట వెయిట్ చేసాక గాని మన టర్న్ రాలేదు . పాపం గేటు దగ్గర తెల్ల డ్రెస్సు వేసుకుని టోపీ పెట్టుకుని మీసాలు చుట్టుకుని వెళ్ళే వాళ్ళకి వంగి వంగి సలాములు కొడుతున్నా అతనికి పది రూపాయలు యిచ్చిన వాళ్ళు లేరు .ఏమన్నా అతనికి వెళ్ళే టప్పుడు భారీగా యిద్దమనుకుని అయిపోయాక చూస్తే వాల్లేట్ పార్కింగ్ డ్రైవర్ తప్ప అతను కనబడ లేదు ,ప్రాప్తా ను సారమే ఏదన్నా వస్తుందేమో?మొత్తానికి మొదటి రోజు బానే గడిచింది .అయితే అంత గంట సేపు కస్టపడి సంక్షిప్త సందేశాలు పంపితే దానిలో నాల్గవ వంతు మంది మాత్రమె ధన్య వాదాలు తెలిపారు .సమయా భావం వల్లే అని భావిస్తున్నా ఎందుకంటె వాళ్ళు నిర్లక్ష్యం చేసే స్తాయి లో మాత్రం లేనన్నది నిర్వి వాదాంసం . రేపు స్పందిస్తే ఖర్చు కలిసోస్తుందన్న పొదుపు చింతనా కూడా అయి ఉండొచ్చు .
పుట్టిన రోజు పండగే అందరికి మరి పుట్టింది ఎందుకో తెలిసేది ఎందరికి ?

పుస్తక ప్రదర్శనలో నా మస్తకం లో కలిగిన ఆలోచనలు

ఈ రోజు అనుకోకుండా నేను ,ఆలోచనా తరంగాలు శర్మ గారు ,మరో అజ్ఞాత ఆడ బ్లాగరు వారి భర్త హైదరాబాద్ లో జరుగుతున్న పుస్తక ప్రదర్సన సందర్శించడం జరిగింది .అజ్ఞాత ఎందుకంటె ఆమె కి తన పేరు వెల్లడించడం ఇష్టం లేదు కాబట్టి .సాయంత్రం అయుదవుతోన్డి ,వర్కింగ్ డే అవడం తో జనం పల్చ గానే వున్నారు .అప్పుడెప్పుడో రెండేళ్ళ క్రితం వెళ్లి ఆ ఆనందాన్ని బ్లాగ్ లో పంచుకుంటూ రాసిన పోస్టింగ్ ఆ తరవాత కొంతమందికి అది నచ్చక జరిగిన రచ్చ బ్లాగ్ లోకం లో సీనియర్స్ కి విదితమే . అందుకే ఈ సారి ఏమి రాయ కూడా దనుకున్నా.అయితే కొన్ని ప్రత్యేకమైన కారణాల వల్ల రాయక తప్పడం లేదు .ఎంటర్ అవుతూనే మన ఈ తెలుగు స్టాల్ కేసి అడుగులు పడ్డాయి .అక్కడ తాడేపల్లి గారు చూడడం తోటే సాదరం గా ఆహ్వానించి నా బ్లాగ్ పేరు అక్కడ డిస్ప్లే లో ఉంచిన (ఆ రోజు విచ్చేసిన బ్లాగర్స్ )లిస్టు లో రాయించారు .నాతొ పాటే వున్నా శర్మ గారిని , అజ్ఞాత బ్లాగర్ ని వారికి , పక్కనే వున్నా భార్గవ రాం కి పరిచయం చేశా.కాసేపు మాట్లాడు కున్నాక వొక సారి తిరిగేసి వస్తాం అని మేము బయలు దేరాం . శర్మ గారు రామకృష్ణా మటం వారి స్తాల్లోంచి కొన్ని ఆద్యాత్మిక పుస్తకాలు , వోశో వారి స్టాల్ నుంచి ది సీక్రెట్ అన్న పుస్తకం కొనుక్కున్నారు .ఆయన పుస్తక పాటనాసక్తి ని అభినందించ లేకుండా ఉండలేను .అలాగే అజ్ఞాత బ్లాగర్ భర్త కుడా మొత్తం నాలుగు వేలు పెట్టి వివిధ పుస్తకాలు తీసుకున్నారు .ఎవరైతే పుస్తకాలు బాగా చదువు తారో వారు తప్పకుండా మంచి వాదా పటిమ కలిగి ఉంటారని వారిరువురు వివిధ సబ్జక్ట్స్ మీద చేసుకున్న చర్చ వలన నాకు అర్ధం అయ్యింది .నేను మాత్రం పిల్లలకి గేమ్స్ సి డి లు తీసుకున్నా .సరే అలా వొక గంట తిరిగి మళ్ళి ఈ తెలుగు స్టాల్ కి వచ్చాము . అప్పటికి దీప్తిధార భాస్కర రావు గారు వేరే ఇంకో లేడీ బ్లాగర్ తో ముచ్చటిస్తూ కని పించారు .నేనే వారి దగ్గరికి వెళ్లి నన్ను శర్మ గారిని పరిచయం చేసుకున్నాక ఏంటి ఈ మద్య ఎక్కువగా రాయడం లేదంటే నేను ఏమి రాసిన అదొక కాంట్రవర్సి అవుతోందని ఇంతకు ముందు రెండేళ్ళ క్రితం యిదే పుస్తక ప్రదర్సానకి వచ్చి రాసిన దాంతో మొదలయిన అగ్గి ఇంకా సెగలు గక్కుతోనే వుందంటే గతం వదిలెయ్యండి యిప్పుడు ఎవరి మానాన వారు రాసుకుంటే మంచిదని సలహా ఇచ్చి ఆ లేడీ బ్లాగర్ పేరు వారి వివరాలు రాసుకోవడం లో నిమగ్నమయ్యారు .రాసుకోవడం పూర్తీ అయ్యాక ఆమెని మీ ఫోటో తీసుకుని ప్రచురిస్తే అభ్యంతరమా?అని అడిగితె ఆవిడ మొహమాట పడుతూ అటు యిటు గా తల వుపితే మీరు కూడా కూర్చోండి అంటూ పక్కన వున్న రెండు చైర్లు చూపించారు ,శర్మ గారు కొంచెం మొహమాట పడుతూ అబ్బేయిప్పుడు ఫోటో ఎందుకండి అంటుంటే మీకు ప్రాబ్లం అయితే మీరు పక్కకి రండి అనివినగానే ఇద్దరి ఫోటోలు బ్లాగ్ లో ఉన్నాక యింకా దాపరికం ఏముందండి అంటూ శర్మ గారిని అనడం తో మా ముగ్గురి ని తన నికాన్ కెమెరా లో భందించి ఆ లేడీ బ్లాగర్ తో కేనిగే స్టాల్ కి వడి వడి గా అడుగులు వేస్తూ వెళ్లి పోయారు .నాకు కొంచెం ఆశ్చర్యం గానే అనిపించింది .రోజు తన బ్లాగ్ లో ఈ పుస్తక ప్రదర్సన గురించి కవర్ చేస్తున్న ఆయన అసలు ఆలోచనా తరంగాలు అన్న వొక బ్లాగ్ ఉందా అనట్టు మొహం పెట్టినప్పుడే నాకు సందేహం కలిగింది .ఆయన పెద్దగా మా ఉనికిని పట్టించుకోలేదని ఆయనకీ మా మీదా అంత ఆసక్తి లేదని .నా సందేహం యింటికి రాగానే నిజం అయ్యింది ఆయన రాసిన ఆరవ రోజు విశేషాలు చూసాక , అందులో ఎక్కడా మా ప్రస్తావనే లేదు .ఫోటో తో బహుత్ దూర్ కి బాత్ .లేక బ్లాగ్ లోకం లో కూడా అధిష్టానం అనుమతి అవసరమా ?ఏది ఏమైనా బ్లాగ్ లోకం లో గ్రూపుల ప్రభావం చాలానే వుందని అది వారు రాసే రాతల పైన కూడా పడుతుందని మరొక్క సారి రుజువయ్యింది .

నాగవల్లి వి నక్క వాతలే

చంద్రముఖి పులి ని చూసి నాగవల్లి నక్క వాతలు పెట్టుకునట్టు గా వుంది సినిమా చూసాక . స్వేక్వేల్స్ అచ్చిరావని మరో సారి నిరూపించ బడింది .చంద్రముఖి సినిమా తర్వాత ఏమవుతుందన్న ఆసక్తి కలగ జేస్తే నాగ వల్లి లో అంతా ఉహించ తగ్గదే .చంద్ర ముఖి ప్రియుణ్ణి రాజు చంపే కదే సగం సినిమా .అది ఎలాగు చంద్రముఖి లో చెప్పెసిందే దాన్నే ఇందులో వివరం గా చూపించారు .మిగతా కధ చంద్రముఖి నూట ముప్పై ఏళ్ళుగా గుహలలో బతికి వున్న ఆ రాజుని వొక అమ్మాయి మీద ఆవహిన్చి చంపెయ్యడమే .పాత సినిమాలో కధ లోని సన్నీ వేశాలని కధ గమనం లో తేడా రాకుండా వాడుకున్న విధానం మెచ్చుకో తగ్గదే . ఉదాహరణకి చంద్రముఖి సినిమాలో ఆఖర్న ముప్పై అడుగుల పాము వెళ్లి పోతూ కధ ముగిస్తే ఈ సినిమాలో అదే పాము వొక ఇంట్లోకి వెళుతూ కధ మొదలవుతుంది .మొదటి సగం బానే వున్నా మిగతా సగం ఆసక్తి రేపదు . క్లైమక్ష్ లో నూట ముప్పై ఏళ్ళ రాజు ముసలి పాత్రలో వెంకటేష్ చేసిన నృత్యం బఫూన్ లా వుండి అపహాస్యం పాలయ్యింది . జనాలు నవ్వుకున్నారు . అలాగే కధ సీరియస్ గా అవుతునప్పుడు వందనాలు అంటూ వెంకటేష్ ని ఉద్దేశించి శరత్బాబు కుటుంబ సబ్యులు పాడే పాట కూడా వ్యతిరేక ఫలితాన్ని ఇచ్చింది . చంద్రముఖి సినిమాలో హాస్యం , మంచి పాటలు యి సినిమాలో మిస్ అయ్యాయి .చంద్రముఖి లో మంచం ఎత్తే సీన్ లాగే ఈ సినిమాలో కూడా మంచం వరకు వచ్చి నా చంద్రముఖి ఆవహించిన ఆమె శాండలేర్ ని యెగిరి పట్టుకుని లాగి వెంకటేష్ మీద విసరడం ప్రేక్షకులు ఊహించని సన్నీ వేశం .వోవర్ ఆల్ గా చంద్రముఖి సినిమా ఆద్యంతం ఆసక్తి ని రేపి ప్రేక్షకులకి వినోదాన్ని యిస్తే నాగవల్లి ఆద్యంతం ప్రేడిక్తబుల్ గా వుండి కొండక చోట విసుగుని తెప్పిస్తుంది . చంద్రముఖి నాగలోకం అయితే నాగ వల్లి నక్క సో నక్క కి నాగ లోకాని కి వున్న తేడా వుంది .వోపిక వుంటే వొక సారి మోహ మాట పడొచ్చు .అవురా అవురా నో హౌల హౌలా నో తేల్చుకోడానికి .

నిన్నటి నా నువ్వు

కొన్నాళ్ళకి ఈ స్నేహం చెదిరి పోవచ్చు
ఈ ప్రేమ పారి పోవచ్చు
జ్ఞాపకాల్లో మిగిలిపోవచ్చు
నాకన్నా మెరుగైనవాళ్లు వచ్చి నిన్నుమురిపించొచ్చు
నేను నీతో మాట్లాడే ఆ సమయం శూన్యం గా నిశబ్దం లో వుండి పోవచ్చు .
మెసేజ్ లతో నిద్రలేపిన అరుణో దయాలు వివర్ణ మయ్యి గాయాలు రేపోచ్చు
మాటలు కలిపిన మధ్యన్నాలు మసకబారి పోవచ్చు
కలిసి నడిచిన సాయం సమయాలు వొంటరి గా నడిచే నన్ను చూసి నిట్టుర్చొచ్చు
నువ్వు నీ కొత్త స్నేహ భందాలతో తెగిపోయిన ఈ భందాన్ని పట్టించు కోక పోవచ్చు
నిన్నటి నా నువ్వు ,రాబోయే రేపటి కి పరాయి దానివి అయిపోతు ఈ రోజు కి సెలవు తీసుకోవచ్చు
నీ కొత్త పరిచయాల ఆనందపు కిల కిలారావాల లో నా ఆక్రోసపు మూగ వేదన వినిపించక పోవచ్చు
కాని వొంటరి గా నిసిరాతిరి నిశబ్దం లో నిండు పౌర్ణమి ని చూస్తూ నీ పెదవుల పై విరిసే ఆ చిరునవ్వే సాక్ష్యం
నువ్వు నన్ను మరువలేవని నీ జీవితపు డైరీ లో నే నీ విలువైన జ్ఞాపకాన్నని
మళ్ళి మనం యి జీవితం లో కలవ లేక పోవచ్చు
భాద్యతల బతుకు జట్కా బండి లో వేరే గమ్యాల్లో సాగి పోవచ్చు
కాలగమనం లో కరిగి పోవచ్చు
కాని నీ జీవితపు అతి మధుర ఘట్టాల అరుదైన క్షణాల్లో
నా విలువైన భాగస్వామ్యం ఉందన్న ఆనందం నా సొంతం
నిన్ను తల్చుకున్న మరు క్షణం శ్రావణ మేఘాలై వర్షించే
నా కన్నిల్లే సాక్ష్యం. సెలవ్ నేస్తం .