డాన్ శీను లో కిక్ లేదు

నిన్న నే చూసా యీ సినిమా .నెగిటివ్ కాన్సెప్ట్ , రొటీన్ స్టొరీ .సగటు ప్రేక్షకుడు అన్వయించుకోడానికి ఏమి వుండదు .అక్కడక్కడా నవ్వు కోడానికి కొన్ని సీనులు తప్ప డాన్ శీను లో ఏమి లేదు .హీరో చినప్పటినుంచి డాన్ అవ్వాలనే అనుకుంటున్నవాడు హైదరాబాద్ వచ్చాక అక్కడ ఆల్రెడీ వున్న ఇద్దరు డాన్ లని పడగొట్టడానికి వాళ్ళలో వొకడి దగ్గర చేరిన వాడు అసలు లక్ష్యాన్ని వదిలి అవతలి డాన్ చెల్లెల్ని ప్రేమ లో పడెయ్యడానికి జర్మనీ వెళ్ళడం ఏంటో మరి?ఇంటర్వల్ దాక ఆమె ని ప్రేమలో పడేసే ప్రయత్నాలే . ఆ తర్వాత అంతా ఇండియా కి రావడం ,వచ్చాక ట్విస్ట్ ఏంటంటే ఏ విలన్ అయితే డాన్ శీను ని అవతలి విలన్ చెల్లెల్ని ట్రాప్ చెయ్య మని పంపు తాడో వాడి చేల్లెలినే శీను ట్రాప్ చెయ్యడం . మిగతా స్టొరీ అంతా ప్రెడిక్టబుల్. బ్రంహనందం సెకండ్ ఆఫ్ మద్యలో వస్తాడు .అతనితో రవితేజ మూగ వాడి గా నటిస్తూ'' పిచ్చిపూహా ''అనడం లాంటి క్రూడు జోకులు వున్నాయి .పాటలు అస్సలు ఆకట్టు కోవు . పెద్ద మైనస్సు .కేవలం రవి తేజ మార్కు నటనని ఇష్టపడే ప్రేక్షకులు కిక్ లెవిల్లో వుహించుకోకుండా కాలక్షేపం కోసం మాత్రమె చూడ దగ్గ సినిమా .