ఆశించకుండా ఆస్వాదిద్దాం

 

నిన్నటి వరకు  నీతో నడిచిన నా అడుగులు
నేటి తో ఎందుకు మీ యింటిముందు కు  రానని మోరా యిస్తున్నాయి ?
మనసు ముందుకువెళ్ళమంటున్నా  సహకరించాకున్నాయి?
ఎన్నాళ్ళిలా అభిప్రాయ బేధం ?
పిదప ఆమోదం
ఈ మోదం ఖేదం మద్య మన ప్రయాణం ?
మనసుకి గాయం చేసి రెండురోజులు దూరం చేసి
మళ్ళి లేపనం పూసి , మసిపూసి మారేడుకాయ చేసి
లాలించి , మనసుకి మత్తు ని నింపి ,
ప్రేమను పంపి  ,మరిచిపోయిన మమతల్ని తట్టి లేపి
నన్ను నీ ఆట బొమ్మను చేసి ఆడుకుంటావు
కొత్త బొమ్మ రాగానే మళ్లీ మూల  పడేస్తావు
మమతులుడిగిన మనసులాగ
కొమ్మలు విరిగిన మానులాగ
మళ్ళి చిగురులు మోలిచేదాకా ఎన్నాళ్ళి నిరీక్షన ?
ఎన్నాళిలా  మనసు తీగలు సవరిస్తావు ?
మళ్ళి మళ్ళి మురిపిస్తావు
అంతలోనే అశ్రుధారలు కురిపిస్తావు
వద్దు నేస్తం యింతటితో ముగిద్దాం
మనస్పర్ధలకి చరమాంకం పలికిద్దాం
కొత్త భంధాన్ని మొదలెడదాం
ఏమీ ఆశించకుండా ఆస్వాదిద్దాం